Kosova
Shkronjat

Në Kosovë nis sot manifestimi tradicional treditësh “Epopeja e Ushtrisë Çlirimtare të Kosovës”, në përkujtim të Adem Jasharit, që njihet si komandant legjendar i UÇK-së, dhe familjes së tij.

Njëzet vjet më parë në Prekaz të Skenderajt, gjatë një sulmi të forcave serbe të sigurimit në këtë fshat, janë vrarë mbi pesëdhjetë anëtarë të familjes Jashari.

Në këtë përvjetor, Kuvendi i Kosovës mban sot seancë solemne.

Ndërkaq, ministri i Arsimit, Shkencës dhe Teknologjisë ka marrë vendim që sot, në të gjitha shkollat fillore dhe të mesme të Kosovës, ora e parë e mësimit t’i kushtohet historikut të Epopesë së UÇK-së.