Kosova
Shkronjat

Drejtori i Zyrës për Kosovën në Qeverinë e Serbisë, Marko Gjuriq ka biseduar sot në Beograd me shefin e Misionit të OSBE-së në Kosovë, Joan Barata.

Ai iu falënderua këtij për ndihmën e dhënë në organizimin e zgjedhjeve presidenciale të Serbisë në Kosovë. Po ashtu ai vlerësoi përgatitjen dhe zhvillimin e tyre sipas standardeve më të larta demokratike, raportojnë mediet e Beogradit, transmeton Koha.net.

Gjuriqit tha se hartimi i projektstatutit të Asociacionit të Komunave Serbe në Kosovë, sipas Marrëveshjes së Brukselit është në kompetencë të ekipit drejtues, që përbëhet nga përfaqësues të popullit serb, porse ndihma e OSBE-së do të jetë e mirëseardhur.

Mediet citojnë se Gjuriq ka ngritur çështjen e retorikës gjithnjë e më të ashpër dhe të kërcënimeve të hapura ndaj popullit serb në qarqet ekstremiste dhe ato politike shqiptare në Kosovë. Sipas raportimeve, ai i ka kërkuar atij dhe të tjerëve që përkujdesen për paqen e stabilitetin në Kosovë që t’i dënojnë ato kërcënime, transmeton Koha.net.