Në prag të fushatës zgjedhore, përveç angazhimeve të partive politike për koalicione dhe aderime të personaliteteve të ndryshme, edhe bizneset, sipas përfaqësuesve të shoqërisë civile, fillojnë me një lloj fushate, e cila shprehet nëpërmjet mbështetjes financiare për subjektet politike.

Sot bëhen 20 vjet nga rënia e ushtarit Luan Haradinaj. Ai kishte rënë në njërën prej betejave të para të UÇK-së kundër forcave pushtuese serbe, më 6 maj të vitit 1997, në kufirin shqiptaro- shqiptar.

Krijimi i koalicionit parazgjedhor PDK-AAK-NISMA ka nxitur reagime të shumta. E, kreu i AAK-së, Ramush Haradinaj ka folur për herë të parë për këtë koalicion.

Në kuadër të promovimit të Ligjit për Faljen e Borxheve publike dhe për të njoftuar për së afërmi për ecurinë e implementimit të Ligjit për Faljen e Borxheve publike nëpër institucionet publike, si dhe për sensibilizimin e qytetarëve për të përfituar nga falja e borxheve, ministri i Financave Avdullah Hoti, sot ka vizituar drejtorinë e kompanisë së Ujësjellësit Rajonal “Prishtina” dhe drejtorinë e Korporatës Energjetike të Kosovës (KEK), ku është pritur në takime të ndara nga kryeshefi ekzekutiv i kompanisë Ujësjellësi Rajonal “Prishtina” Ilir Abdullahu, si dhe drejtori menaxhues i Korporatës Energjetike të Kosovës Arben Gjukaj.

Kryeministri në largim Isa Mustafa ka reaguar në Facebook pas koaliconit parazgjedhor që u zyrtarizua mbrëmë, në mes të PDK-së, AAK-së, dhe Nismës.

Presidenti Hashim Thaçi është takuar sot me ministren e Jashtme të Suedisë, Margot Wallstorm, me të cilën ka biseduar rreth zhvillimeve në rajon, dialogun në mes të Kosovës dhe Serbisë, por edhe për procesin e integrimit në BE, për të cilën Thaçi tha se BE’ja është lodhur me zgjerim, mirëpo aspirata e vendeve të Ballkanit Perëndimor për t’u bërë pjesë e familjes europiane nuk bën të pasojë për shkak të kësaj lodhjeje.

Është rrahur e sapoaderuara në Partinë Demokratike të Kosovës, Arbana Xharra. Gazeta Express merr vesh se Xharra është rrahur në parkingun para banesës së saj në Prishtinë dhe se është dërguar në QKUK.

Sulmi ka ndodhur rreth orës 1:00 pas mesnate. Këtë për portalin koha.net e ka konfirmuar edhe Policia e Kosovës, sipas të cilëve Xharra në spital është dërguar nga bashkëpartiakët e saj.

Ende nuk ka informacione për të dyshuarit që kanë mundur ta sulmojnë atë. 

Në Ditën Ndërkombëtarëve të Zjarrfikësve, ky shërbim në vendin tonë përballet me gjendje të palakmueshme dhe mjaft të rëndë në të gjitha aspektet, si organizimi, menaxhimi, kapacitetet teknike, resurset njerëzore etj.

Analisti politik dhe publicisti, Halil Matoshi, përfundimisht ka vendosur që të rikthehet në politikë. Matoshi ka zgjedhur Aleancën për Ardhmërinë e Kosovës, partinë e  Ramush Haradinajt, për të bërë rrugëtimin e tij politik.

Lajmin e ka bërë publik AAK, përmes një njoftimi ku është thirrur një konferencë për media, me ç’rast do të prezantohet aderimi i Matoshit. 

Presidenti i AKR-së, Behgjet Pacolli, ka reaguar ndaj deklaratave të liderit të LSDM-së në Maqedoni, Zoran Zaev, i cili ka deklaruar se Kosova është zemra e Serbisë.

Nënkryetari i AAK-së, Pal Lekaj, pas takimit të përfaqësuesve të partive politike me presidentin Thaçi, thotë se zgjedhjet e parakohshme do të mbahen më 11 qershor. 

Ka filluar protesta e paralajmëruar për t’u mbajtur në shenjë pakënaqësie me gjendjen e punëtorëve në sektorin privat nga Sindikata e Pavarur e Sektorit Privat të Kosovës.

Presidenti i Kosovës, Hashim Thaçi, pas takimit me përfaqësues të partive politike, është deklaruar se datat e zgjedhjeve do të jenë 11 ose 18 qershori.

Policia e Kosovës ka bërë të ditur se ka realizuar një operacion të suksesshëm kundër trafikimit me substanca narkotike, ku janë konfiskuar qindra kilogramë lëndë narkotikë.

Ka filluar seanca e Kuvendit të Kosovës ku pritet të nxirret për votim mocioni i opozitës për rrëzimin e Qeverisë.

Kryetari i Aleancës për Ardhmërinë e Kosovës, Ramush Haradinaj, sot do të bëjë homazhe tek varrezat e figurave të rëndësishme historike. Dy ditë pas kthimit nga Franca, ku qëndroi i ndalur për rreth katër muaj, Haradianj do të nderojë komandantët e rënë të UÇK-së, ish-bashkëluftëtarët e tij dhe ish-presidentin Rugova.

Vendet ku Haradinaj do të bëjë homazhe sot:

11:00, Homazhe te shtatorja e Zahir Pajazitit, Prishtinë,

11:20, Homazhe në Velani te varri i ish-presidentit Rugova,

12:00, Prekaz, homazhe ne kompleksin e Jasharajve,

13:00, Homazhe në Meje, Gjakovë

14:00, Homazhe në Gllogjan

Ministria e Punëve të Jashtme në Kosovë njofton se i ka dhënë leje qëndrimi sot drejtorit të së ashtuquajturës Zyra për Kosovën në Beograd, Marko Gjuriq, i cili tha se nuk iu lejuar hyrja në Mitrovicën e Veriut, ku kishte në plan të marrë pjesë në kremtimin e Ditës së Fitores mbi fashizmin.

Lideri i Aleancës për Ardhmërinë e Kosovës, Ramush Haradinaj, ka porositur bashkëpartiakët e tij që të vazhdojnë të punojnë për të mirën e vendit, t’i lëvizin proceset para pavarësisht se çfarë do të ndodh me të në gjykimin e së enjtes në Colmar të Francës. Haradinaj këtë porosi ia ka lënë shefit të Grupit parlamentar të AAK-së, Pal Lekaj.

Ka përfunduar mbledhja urgjente e deputetëve të LDK-së, e cila u mbajt në selinë e këtij subjekti me kërkesë të kryeministrit dhe liderit të kësaj partie, Isa Mustafa.

Ish-i dërguari i posaçëm i OKB-së për statusin e Kosovës, Martti Ahtissari, ka thënë se dialogu i Kosovës me Serbinë duhet të vazhdojë.