Nxënësit e shkollës "Yll Morina" organizuan aktivitet simbolik në kuadër të ditës ndërkombëtare  të fëmijëve.

Klubi nga Gjakova “Liburn” u shpall kampion i Kosovës në futsall për këtë edicion pasi mbrëmë në ndeshjen e dytë të finales e mposhti Feniksin nga Drenasi me rezultat 3 me 2. Përveq lojës së mirë mbrëmja u karakterizua edhe me një atmosferë të zjarrtë sportive. Salla  “Shani Nushi” ishte e mbushur përplot me 3 mijë shikues. 

Mbrëmë në hollin e shkollës së muzikës “Prenk Jakova” në Gjakovë, violinisti Taulant Rruci ka performuar me një koncert recital. Violonisti nga Gjakova, për një orë, ka interpretuar vepra shqiptare por edhe të huaja.

Sot, në ditën e hapjes zyrtare të fushatës për zgjedhje qendrore, Lëvizja Vetëvendosje do të mbajë tubim me qytetarë të komunës së Gjakovës. Një ngjarje e tillë do të mbahet në ambientet e shkollës “Fehmi Agani” nga ora 19:00.

Pjesëmarrës janë Dardan Sejdiu, Dukagjin Gorani, Driton  Çaushi, Arbërie Nagavci, dhe Ylli Hoxha./Tv Syri Vision/

Të gjitha këto punime artistike, janë krijuar nga fëmijët kreativë të organizatës HANDIKOS në Gjakovë. Të ekspozuara në këtë pjesë pranë sheshit “Nëna Terezë”, këto punime zgjuan kurreshtjen e kalimtarëve të rastit. E gjithë kjo, në kuadër të ditës ndërkombëtare të fëmijëve, 1 qershorin.

Zgjodhën pikërisht ditën e hapjes zyrtare të fushatës zgjedhore, që të mbajnë një mbledhje së bashku. Anëtarë të sindikatës së pensionistëve në Gjakovë, u mblodhën në këtë zyre, që të përgatisin një koncept të përbashkët në lidhje me kërkesat që do t’iu drejtojnë subjekteve politike gjatë këtyre ditëve të fushatës.

31 Maji është Dita Botërore kundër duhanit. Në këtë ditë në të gjithë botën organizohen aktivitete ndërgjegjësuese kundër pirjes së duhanit. Kjo ditë është shpallur nga vendet anëtarë të Organizatës Botërore të Shëndetësisë, ku në vitin 1987, vendet anëtare të OBSH, u përpoqën të sensibilizojnë opinionin mbi dëmet dhe rreziqet e duhanit dhe të inkurajojnë reduktimin e prodhimit dhe konsumit të duhanit.

Ky objekt i kompanisë rajonale të ujësjellësit “Radoniqi”, së shpejti do të marrë një pamje krejt tjetër. Kjo, si rezultat i punimeve intensive që po bëhen për renovimin e tërësishëm të tij. Por ky nuk është i vetmi investim, që po realizohet nga kjo kompani. Edhe objekti administrativ, i cili ndodhet pranë Liqenit të Radoniqit është afër finalzimit. Në fakt një ndërtesë e tillë, ka ekzistuar edhe më parë, por e dëmtuar dhe jonfunksionale. Detaje rreth këtyre projekteve, por edhe të atij për ndërtimin e fabrikës së përpunimit të ujërave, ka dhënë kryeshefi ekzekutiv i kompanisë rajonale të ujësjellësit “Radoniqi”, Ismet Ahmeti.