Shefja e Grupit Parlamentar të Lëvizjes Vetëvendosje, Mimoza Kusari Lila deklaroi se mbledhja e dy kuvendeve – Kosovës dhe Shqipërisë – do të mbahet të premten në orën 11:00.
“U njoftuam për takimin e përbashkët, u mor edhe vendimi për agjendën. Takimi i fundit për këtë legjislaturë do të mbahet të premten nga ora 11:00. Synimi i përbashkët është agjenda e përbashkët evropiane”, tha Kusari-Lila.
Nga Kuvendi i Shqipërisë do të jenë të pranishëm 70 deputetë.
Pas mbledhjes së kryesisë, ajo theksoi se ka qenë e nevojshme mbajtja e seancave për marrëveshjet ndërkombëtare. /KosovaPress/
