Hetuesit policorë të Stacionit të Drenasit, pas grumbullimit të informacioneve në rrugë operative si dhe pas zgjerimit të hetimit, sot kanë ndaluar tre persona të dyshuar lidhur me rastin e rrëmbimit të djeshëm në Negrovc të Drenasit.
Personat e dyshuar janë Ç. H. (21), Sh. H.( 26) dhe K.K. 19-vjeç, ka bërë të ditur Policia e Kosovës.
Të tre të dyshuarit pas intervistimit me rekomandim të prokurorit janë dërguar në mbajtje, ndërkohë që hetuesit policorë janë duke ndërmarrë veprimet e nevojshme hetimore dhe procedurale, për sqarimin dhe zbardhjen e plotë të motiveve dhe rrethanave të rastit.
Ndryshe, një person dje ka raportuar në polici se tre persona të dyshuar, e kishin rrëmbyer me veturë dhe e kanë dërguar në një pyll, ku sipas tij, ai është sulmuar dhe ka pësuar lëndime trupore.
/KosovaPress/
