*
Kievi pretendon se sulme të reja ajrore kanë nisur në rajonin jugor të pushtuar të Khersonit, ndërkohë që po vazhdojnë “beteja shumë të vështira”, duke përfshirë rajonin lindor të Donbasit dhe veçanërisht rreth qytetit industrial lindor të Severodonetsk.
*
Ministria e Mbrojtjes e Mbretërisë së Bashkuar tha se “luftimet intensive nga rruga në rrugë po vazhdojnë” rreth Sieverodonetsk, por shtoi se forcat ruse nuk kanë bërë përparime në jug të qytetit. Të dyja palët ka të ngjarë të vuajnë nga një numër i madh viktimash, paralajmëroi Ministria e Mbrojtjes e Mbretërisë së Bashkuar.
*
Zëvendësi i kreut të inteligjencës ushtarake të Ukrainës tha se Ukraina po humbet kundër Rusisë në vijën e frontit dhe tani mbështetet pothuajse vetëm në armët që vijnë nga perëndimi. “Kjo është një luftë artilerie tani dhe ne po humbasim në aspektin e artilerisë”,- u shpreh ai.
*
Kryetari i bashkisë së Mariupolit, i rrënuar nga një rrethim rus, tha se kishte një shpërthim të kolerës dhe se disa puse janë kontaminuar nga kufomat. Vadym Boichenko paralajmëroi për mijëra viktima të tjera dhe bëri thirrje për një korridor humanitar për të lejuar banorët e mbetur të largohen nga qyteti, i cili tani është nën kontrollin rus.
*
Franca është e gatshme të ndihmojë në operacionin për të lejuar akses të sigurt në portin ukrainas të Detit të Zi,Odessa. Porti është nën një bllokadë nga Rusia, me drithëra në pritje për t’u dërguar. Pushtimi rus i Ukrainës ka ngjallur paralajmërime për një krizë globale ushqimore.
*
Përfaqësuesit e mbikëqyrjes botërore të armëve kimike thanë të premten se po vëzhgojnë me vëmendje Ukrainën për të monitoruar “kërcënimet e përdorimit të kimikateve toksike si armë”.
Burimi: The Guardian
