Ish-ministri i Punëve të Jashtme të Kosovës, Petrit Selimi, ka komentuar takimet e ditës së enjte të kryeministrit të Kosovës, Albin Kurtit e presidentit të Serbisë, Aleksandër Vuçiç me liderët e Francës, Gjermanisë, Italisë e me përfaqësuesit e Bashkimit Evropian.
Takimet, e cilësuara si përpjekje për të ringjallur dialogun për normalizimin e marrëdhënieve, mbaruan pa ndonjë pajtim mes palëve.
E sipas Selimit, këtu në këtë rast Kosova humbet më shumë se Serbia.
Kurti, ka insistuar në nënshkrimin e marrëveshjeve të arritura në kuadër të prociesit të dialogut për normalizimin e marrëdhënieve me Serbinë, përfshirë edhe “propozimin modern evropian” për statutin e Asociacionit të Komunave me Shumicë Serbe në Kosovë, porse presidenti i Serbisë, Aleksandër Vuçiç, ka refuzuar nënshkrimin e tekstit sikurse në takimet e mëparshme.
Shefi i politikës së jashtme të BE-së, Josep Borrell, i cili ndërmjetëson bisedimet për normalizimin e marrëdhënieve Kosovë-Serbi, tha se marrëveshja mes tyre nuk ishte e mundur, sepse “parakushtet e njërës palë ishin të papranueshme për tjetrën”.
Sipas Selimit, kjo qasje e BE-së në këtë çështje, është e padrejtë, por jo diçka e papritur.
“Në fund të ditës, BE-ja thotë se nuk u arrit asnjë marrëveshje ‘sepse të dy palët vendosën parakushte’. Disi e padrejtë, por jo e papritur, meqë edhe Ohri ishte një marrëveshje pa nënshkrime, u bë një precedent i caktuar (i keq). Por, pata të drejtë që isha pesimist. Dhe këtu Kosova humbet më shumë se Serbia”, shkroi ai në platformën sociale, X. /Albanianpost.com
To recap, the plan offered by the Quint in 🇽🇰 – 🇷🇸 dialogue was first accepted by both sides as “good basis”. But then Kurti asked to be signed by both sides, which Vucic refuses. Vucic also asked for no UN seat for 🇽🇰 (a bogus request, as Russia can prevent that easily at UNSC).— Petrit Selimi (@Petrit) October 27, 2023
