Jemi futur në muajin mars, ku do të grumbullohet këtë muaj për herë të parë edhe Përfaqësuesja e Kosovës për vitin 2021.
Dardanët do ta nisin fazën e kualifikimeve për Kampionatin Botëror, ku ndodhen në Grupin B së bashku me Suedinë, Spanjën, Greqinë dhe Gjeorgjinë.
Në këtë grup, vetëm Suedia e ka njohur Kosovën si shtet, derisa Spanja, Greqia dhe Gjeorgjia nuk e kanë bërë një gjë të tillë, edhe pse shteti ynë funksionon edhe pa njohjet e këtyre vendeve.
Por skandali më i madh ka ndodhur nga Federata e Futbollit të Spanjës në rrjetet sociale.
Në njoftimin për publikun se trajnerit Luis Enrique do të publikojë listën me lojtarët e ftuar më 15 mars, spanjollët kanë bërë një skandal duke shkruar territorin e Kosovës.
“Spanja fillon rrugëtimin për Katar 2022 kundër Greqisë, Gjeorgjisë dhe territorit të Kosovës”, ka shkruar faqja zyrtare e Kombëtares së Spanjës në futboll.
Spanja ka problemet e veta në shtetin e tyre dhe kjo i pengon që ta njohin pavarësinë e Kosovës.
Gjithsesi futbollistët tanë duhet t’i motivojë ky nënçmim i spanjollëve dhe të japin më të mirën nga vetja që të marrin rezultat pozitiv, pasi vetëm në këtë mënyrë i tregojmë atyre se kush jemi.
Kosova do të përballet me Spanjën më 31 mars në takimin që do të luhet në Estadio Olimpico në Sevilla.Gazeta Olle/
