Katër punonjës të një kopshti në Gurugram të Indisë, e pësuan keq kur vendosen të “strehohen” nën një pemë me të parë se filluan reshjet e mëdha të shiut.
Duke menduar se do t’i shpëtojnë shiut u futën nën një pemë, por rrufeja i goditi që të katërtit dhe njëri prej tyre humbi jetën.
Në anën tjetër, policia indiane ka njoftuar se me të goditur rrufeja që të katërtit janë rrëzuar në tokë – e pasi janë dërguar me urgjencë në spital për tretman, tre prej tyre kanë shpëtuar por me plagë të mëdha – e i katërti nuk i mbijetoi plagëve.
Kamerat e sigurisë kanë kapur momentin kur rrufeja godet pemën nën të cilën ishin punonjësit që mirëmbanin kopshtin e një pallati, dhe për një moment rrëzohen që të katërtit në tokë – pa vetëdije. /Telegrafi/
