Data 29 mars shënon përvjetorin e 14 dëshmorëve të Shishmanit të Bokës, të cilët ranë 22 vite më parë. Kryetari i komunës, Ardian Gjini dhe bashkëpunëtorët kanë bërë homazhe në varrezat e qytetit të Gjakovës, duke vlerësuar lart kontributin e dëshmorëve për lirinë që e gëzojmë sot.
Zade Shala, nëna e dëshmorit Bujar Shala e mbanë me krenari kujtimin për djalin e saj që u flijua për atdhe.
Bashkim Lokaj që ka qenë përkrahë luftëtarëve që nga viti 1998 thotë se ndihet krenar që ka luftuar përkrahë këtyre trimave që nuk kursyen as jetën e tyre.
Gjaku i këtyre dëshmorëve është dëshmi që e meritojmë lirinë sepse kemi paguar shumë që sot ta gëzojmë, u tha ndër të tjera gjatë këtyre homazheve.
