Policia e Kosovës ka njoftuar se ka arrestuar dy persona në Mamushë të shtunën nën dyshimin se ata e kanë rrëmbyer dhe sulmuar fizikisht një person. Sulmi dyshohet se ishte bërë shkaku i një borxhi
“Mamushë / 31.08.2024 – 15:30. Janë arrestuar dy të dyshuar meshkuj kosovar pasi të njëjtit, viktimën mashkull kosovar e kanë nxjerrë nga vetura e tij dhe e kanë futur në veturën e tyre, dyshohet për shkak të një borxhi e pastaj e dërguar në oborrin e shtëpisë së tyre dhe të njëjtin e kanë sulmuar fizikisht. Viktima për shkak të lëndimeve është dërguar për tretman mjekësor në spitalin rajonal, të dyshuarit pas intervistimit me vendim të prokurorit janë dërguar në mbajtje”, thuhet në raportin e policisë. /Koha.net/
