Antonio Conte ishte i kënaqur që Romelu Lukaku shpëtoi Napolin në debutimin e tij ndaj Parmës, por e konsideroi “absurde” situatën e merkatos.
Lukaku, i ardhur nga Chelsea, pati një debutim të suksesshëm duke shënuar vetëm 48 orë pas mbërritjes së tij, ndërsa Scott McTominay dhe Billy Gilmour u prezantuan para tifozëve para fillimit të ndeshjes.
Conte ka shprehur pakënaqësinë e tij për faktin që merkato është ende e hapur pas fillimit të Serie A.
“Është një situatë absurde. Trajnerët duhet të stërvitin lojtarët që do të largohen dhe të presin lojtarë të rinj me të cilët nuk kanë punuar kurrë dhe nuk e dimë në çfarë gjendje do të jenë kur të mbërrijnë,” tha Conte. “Futbolli po evoluon gjatë gjithë kohës, por duhet të ketë dikush që të shqyrtojë këtë rregull të çuditshëm që dëmton të gjithë trajnerët dhe klubet.”
“Ne kishim zero mesfushorë në stol, pasi Iaccarino dhe Saco ikën në huazim. Na u desh të lutemi që asgjë të mos ndodhte me Lobotkën dhe Anguissa. Shpresoj që gjërat të ndryshojnë në të ardhmen, pasi të gjithë janë të gatshëm të ndryshojnë formatet dhe rregullat.”
“Lukaku kishte dy seanca stërvitore në këmbë, Neres mbërriti vetëm së fundmi, tani do të përpiqemi të shfrytëzojmë sa më shumë pushimin për ndeshjet e kombëtareve. Nuk do t’i kemi McTominay dhe Gilmour deri javën e ardhshme, kështu që bëhet vërtet e vështirë të punosh në këtë mënyrë.” /Telesport.al/
