Javën e kaluar, Margrethe Vestager pati dy fitore të rëndësishme përpara Gjykatës së Drejtësisë së Bashkimit Evropian në çështjet e konkurrencës të hapura kundër gjigantëve digjitalë.
Gjyqtarët e BE-së kishin konfirmuar vendime historike kundër Apple (ndihma e paligjshme shtetërore) dhe Google Shopping (abuzimi me pozitën dominuese).
Dje Google mori hakmarrje.
Gjykata e BE-së ka anuluar vendimin e Komisionit për të gjobitur Google me afro 1.5 miliardë euro për platformën e saj AdSense.
Teksa konfirmoi shumicën e vlerësimeve antitrust, sipas Gjykatës së BE-së, Komisioni nuk i konsideroi saktë klauzolat kontraktuale të konsideruara si abuzive.
Megjithatë, Vestager mund të pretendojë fitoren në një rast tjetër.
Gjykata konfirmoi gjobën e vendosur ndaj Qualcomm për abuzim me pozitën dominuese në tregun e çipave, megjithëse e uli gjobën nga 242 në 238.7 milionë euro. /Albanianpost.com
