Pasi Qeveria e Kosovës një natë më parë mori vendim për emërtimin e rrugës rajonale R-217, segmenti Ballaban – Banjskë, me emrin e heroit të Kosovës, Afrim Bunjaku sot është vendosur tabela në këtë rrugë.
Kjo tabelë është vendosur në kthesën nga rruga kryesore, si dhe në hyrje të Banjskës.
Këtë e bëri të ditur edhe kryeministri i vendit, Albin Kurti, pas homazheve që bëri tek varri i heroit, Afrim Bunjaku.
Ai tha se “kjo është rruga e të gjithëve.
“Sot në Banjskë është vendosur tabela në të cilën shkruan rruga Afrim Bunjaku, kjo është rruga e të gjithë neve”, ka thënë Kurti.
Ndryshe, heroi Afrim Bunjaku u vra natën e 24 shtatorit të vitit 2023 nga grupi terrorist me në krye Milan Radoiçiqin i cili endet i lirë në Serbi. /Telegrafi/
