Një ditë para takimit në nivel të kryenegociatorëve të Kosovës dhe të Serbisë në Bruksel, Bashkimi Evropian bëri të ditur çështjet që do të diskutohen por jo edhe nëse do të ketë një takim trepalësh.
Në një përgjigje për RTV21 zëdhënësi i BE-së Peter Stano tha se fokusi i takimit do të jetë nevoja urgjente për zbatimin e marrëveshjes për normalizim të marrëdhënieve
“Fokusi në takim është nevoja urgjente për të filluar me zbatimin e Marrëveshjes së vitit 2023 për Rrugën drejt Normalizimit dhe për të ndihmuar palët të ecin përpara dhe të arrijnë përparim në Dialog”, tha zëdhënësi i BE-së Peter Stano për RTV21.
Kosova dhe Serbia kanë arritur pajtueshmëri për normalizim marrëdhëniesh në shkurt të vitit të kaluar, ndërsa në mars të atij viti për aneksin e zbatimit të saj pro deri më tani kjo marrëveshje nuk ka gjetur zbatim./RTV21/21Media
