Kryeministri izraelit Benjamin Netanyahu tha dje se ka “pak përparim” në përpjekjet për të arritur një marrëveshje për pengjet dhe armëpushimi në Gaza.
Nga rreth 250 personat që u morën peng në sulmet e udhëhequra nga Hamas në Izraelin jugor tetorin e kaluar, në të cilat u vranë rreth 1200 njerëz, rreth 100 janë ende brenda Rripit të Gazës, të paktën një e treta e të cilëve besohet të jenë të vdekur, shkruan The Guardian, transmeton Gazeta Express.
Duke folur në Knesset – Parlamenti i Izraelit – Netanyahu tha: “Ne po ndërmarrim veprime të rëndësishme përmes të gjitha kanaleve për të kthyer të dashurit tanë. Unë do të doja t’ju them me kujdes se ka një përparim”.
Netanyahu tha se nuk mund të zbulonte detaje se çfarë po bëhej për të siguruar kthimin e pengjeve. Ai pretendoi se arsyet kryesore për përparimin ishin vdekja e liderit të Hamasit, Yahya Sinëar dhe veprimet ushtarake të Izraelit kundër militantëve të Hezbollahut të mbështetur nga Irani, të cilët kishin lëshuar raketa në Izrael nga Libani fqinj në mbështetje të Hamasit.
“Hamasi shpresonte se Irani dhe Hezbollahu do t’i vinin në ndihmë, por ata janë të zënë duke lëpirë plagët nga goditjet që ne u kemi shkaktuar atyre”, tha ai, duke shtuar: “Ka përparim. Nuk e di sa kohë do të zgjasë”./express/
