Donald Trump po përgatitet të shqyrtojë një propozim përfundimtar për të vendosur të ardhmen e TikTok përpara një afati përfundimtar që aplikacioni të gjejë një blerës jo-kinez ose të përballet me një ndalim nga SHBA, shkruajnë mediat e huaja.
Zëvendëspresidenti i SHBA-së, JD Vance, sekretari i tregtisë, Howard Lutnick, këshilltari për sigurinë kombëtare, Mike Waltz dhe drejtori i inteligjencës kombëtare, Tulsi Gabbard, do të takohen në Zyrën Ovale të mërkurën për të diskutuar këtë çështje, raportoi Reuters.
Të dielën, Trump tha se një marrëveshje me ByteDance për të shitur aplikacionin e shkurtër video të përdorur nga 170 milionë amerikanë do të arrihet përpara afatit të së shtunës.
Kujtojmë se Trump po përgatitet të shpallë tarifat globale për atë që ai e ka quajtur “dita e çlirimit” të mërkurën.
Javën e kaluar, ai tha se do të ishte i gatshëm të ulte tarifat ndaj Kinës për të përfunduar një marrëveshje për TikTok.
Trump caktoi afatin në janar që TikTok të gjejë një blerës jo-kinez ose të përballet me një ndalim të SHBA-së për arsye sigurie kombëtare, që do të kishte hyrë në fuqi atë muaj sipas një ligji të vitit 2024. /Telegrafi/
