Kufiri i moshës së futbollistëve të rinj që marrin shansin për të luajtur në nivelin më të lartë ka qenë vazhdimisht në ndryshim vitet e fundit, por një rekord i rëndësishëm i Ligës Premier është ende edhe pse kanë kaluar 20 vjet.
Gjegjësisht, saktësisht 20 vjet më parë, më 10 prill 2005, James Vaughan shënoi një gol për Evertonin në moshën 16 vjeç e 270 ditë dhe më pas u bë golashënuesi më i ri në historinë e Ligës Premier.
Që atëherë, askush nuk e ka kaluar rekordin dhe Vaughan ende e mban atë, megjithëse emri i tij është krejtësisht i panjohur për shumicën e tifozëve të futbollit.
Vaughan ishte golashënuesi në fitoren 4-0 të Everton ndaj Crystal Palace.
Ai e mbylli karrierën e tij katër vjet më parë, në moshën 32-vjeçare dhe pas Evertonit veshi fanellat e Norwich, Portsmouth, Leicester, Birmingham, Bradford, Sunderland, Crystal Palace, Bury, Wigan, Tranmere dhe Huddersfield.
Ishte Huddersfield që Vaughan la gjurmën më të thellë pasi shënoi 33 gola dhe regjistroi shtatë asistime në 95 ndeshje, ndërsa për Evertonin ai luajti gjithsej 61 herë dhe shënoi nëntë gola.
Vaughan ishte gjithashtu një përfaqësues i ri i Anglisë dhe bëri katër paraqitje për U-21 dhe pasi la futbollin iu përkushtua karrierës si trajner.
Ai punoi si trajner i lojtarëve të huazuar në Everton, ishte drejtor sportiv i Tranmere dhe aktualisht është skaut në akademinë e të rinjve të klubit nga “Goodison Park”. /Telegrafi/
