Ministri francez i drejtësisë Gerald Darmanin konfirmoi të martën se disa sulme janë kryer gjatë natës në disa burgje franceze dhe shtoi se ai do të udhëtonte në qytetin jugor të Toulon, burgu i të cilit ishte në mesin e atyre që u sulmuan.
“Janë bërë përpjekje për të frikësuar personelin në disa burgje, duke filluar nga djegia e automjeteve deri te gjuajtja me armë automatike”, tha Darmanin në platformën e mediave sociale X, raporton Reuters.
“Unë po shkoj në Toulon për të mbështetur oficerët në fjalë. Republika Franceze po përballet me problemin e trafikut të drogës dhe po merr masa që do të prishin masivisht rrjetet kriminale,” shtoi ai./Klankosova.tv
