Exame nga Brazili raportoi së fundmi se Apple planifikon të zgjerojë kapacitetin e saj prodhues në Brazil, për të zbutur ndikimin e tarifave të Trump.
Vetëm dhjetë ditë pas këtij lajmi, vjen konfirmimi se iPhone 16e ka filluar të prodhohet në fabrikën e Foxconn në Brazil.
Sipas MacMagazine, paketimi i iPhone 16e në Brazil mban një etiketë që thotë se ato janë montuar në atë vend.
Bëhet fjalë për pajisje që mbajnë numrin e modelit A3409 me kodin e identifikimit MD1R4BR/A, transmeton Telegrafi.
Kjo nuk është hera e parë që Apple prodhon iPhone në Brazil. Fabrika e Foxconn atje tashmë po monton modelet e iPhone SE (2020), si dhe versionet standarde të iPhone 13, 14, 15 dhe 16.
Për shkak të tarifës 10 për qind të importit të Brazilit, pritet që edhe iPhone 16 Pro të fillojë prodhimin atje. /Telegrafi/
