Ministria Arsimit, Shkencës, Teknologjisë dhe Inovacionit ka ndarë 500 bursa nxënësve të shkollave të mesme të larta të komuniteteve rom, ashkali dhe egjiptian. Ministrja e arsimit, Arbërie Nagavci ka thënë se kjo është mënyra më e mirë për t’i mbështetur të gjithë nxënësit pa dallim etnie.
Ndërkaq udhëheqësi i organizatës ‘’Roma in action’’ Emrah Cërmjani tha se qyteti i Gjakovës ka më së shumti përfitues të kësaj burse.
Në këtë thirrje, kanë aplikuar gjithsej 543 nxënës, ndërsa Komisioni vlerësues i MAShTI-t ka konstatuar se 500 prej tyre i kanë përmbushur kriteret e kërkuara të thirrjes dhe janë përfitues/e të kësaj mbështetje financiare në vlerë prej 300 euro për vit mësimor.
