Policia e Kosovës sikurse në gjithë vendin ashtu edhe në komunën e Gjakovës është duke vazhduar me kontrollet dhe planet opeative me qëllim të ruajtjes së rendit, sigurisë publike, sigurisë në trafik si dhe zbatimit të masave ndaj pandemisë COVID-19.
Drejtoria rajonale e Policisë në Gjakovës ka njoftuar se në kuadër të këtyre inspektimeve, sipas raportit të policisë vetëm në 24 orët e fundit në rajonin e Gjakovës janë shqiptuar 14 gjoba për qytetarët të cilët nuk kanë respektuar masat anti-covid.
Konform kësaj Policia poashtu ka vazhduar edhe me kontrollet rreth sigurisë në trafik. Me këtë rast sipas raportit 24 orësh bëhet e ditur se njësia e trafikut ka shqiptuar 210 tiketa trafiku për kundërvajtësit të cilët kanë shkelur rregullat e komunikacionit.
Ndërsa sa i përket situatës së sigurisë publike dhe asaj në trafik në rajonin e përgjegjësisë që mbulon drejtoria rajonale e policisë sipas të dhënave të fundit bëhet e ditur se janë arrestuar 5 persona , prej tyre 2 janë në mbajtje si dhe ka ndodhur 1 aksident me dëme materiale.
