Presidenti i Francës, Emmanuel Macron, ka shprehur dëshirën e tij që dialogu mes Kosovës dhe Serbisë të përfundojë në muajt në vazhdim.
Në një letër të cilën ia ka dërguar presidentit serb, Aleksandar Vuçiq, ai ka deklaruar se duhet të ketë një përfundim të këtij procesi me një marrëveshje të gjithanshme.
“Gjithashtu, do të vazhdoj ta mbështes dialogun me Prishtinën të ndihmuar nga ndërmjetësimi evropian, me qëllim që të përmbyllet marrëveshja e gjithanshme dhe përfundimtare e normalizimit të marrëdhënieve. Shpreh dëshirën që sukseset, në këtë drejtim, të ndodhin në muajt në vijim”, shkruhet në letrën e Macronit.
/GazetaSinjali/
