Kryeministri Albin Kurti është takuar me kryetarin e Komitetit Ndërkombëtar të Kryqit të Kuq, Peter Maurer në Mynih ku po merr pjesë në Konferencën e Sigurisë.
Kurti ka shkruar se me Maurer kanë diskutuar për personat e zhdukur nga lufta e fundit në Kosovë.
“Personat e zhdukur me forcë mbeten plagë e hapur e Kosovës që nga viti 1999. 1617 persona ende konsiderohen të zhdukur. Progresi në këtë fushë është i një rëndësie të madhe për të gjitha familjet që pikëllim. Me Peter Maurer diskutuam mënyrat se si Komiteti Ndërkombëtar i Kryqit të Kuq mund të ndihmojë me eksperiencën dhe ekspertizën”, ka shkruar Kurti.
/GazetaSinjali/
