Kryetarja e Kuvendit të Republikës së Shqipërisë Lindita Nikolla ka qëndruar për vizitë sot në komunën e Gjakovës. E shoqëruar nga ambasadori i Shqipërisë në Kosovë Qemajl Minxhozi, u pritën nga kryetari Ardian Gjini në ambientet e komunës.
Pas bisedës që zhvilluan Nikolla dhe Gjini shkëmbyen dhurata simbolike.
Të dy zyrtarët thanë se ky takim tregon edhe njëherë lidhjen e fortë që e ka qyteti i Gjakovës me Shqipërinë.
Nikolla po ashtu vuri theksin tek ndihma që i është ofruar komunave shqipëtare që janë në kufi me Gjakovën gjatë periudhës së pandemisë.
Kryekuvendarja e Shqipërisë dhe kryetari Gjini vazhduan vizitën në këmbë në disa pjesë të qytetit të Gjakovës përfshirë këtu edhe Carshinë e Vjetër të Gjakovës.
