Ish skautisti i Interit, Adelio Moro zbulon se si “Nerazzurrët” nënshkruan me Lautaro Martinez në vitin 2017 duke iu falënderuar pikërisht Juventusit.
Argjentinasi u transferua në “Giuseppe Meazza” për 25 milionë euro në verën e 2018.
“Ishte Janari i vitit 2017 dhe Kampionati Amerikan i Jugut U-20 ishte gati të fillonte,” tha Moro për “Tuttosport.”
“Ausilio thirri të gjithë skautët dhe tha: “Është tepër vonë për të dërguar dikë në Ekuador, por unë dua që djemtë të ndjekin çdo lojë të turneut. Juventusi tashmë ka nënshkruar me Rodrigo Bentancur dhe Rogerio, ne duhet të gjejmë një futbollist të ri i cili është gjithashtu i gatshëm.”
“Kishte shumë futbollistë interesantë”, vazhdoi Moro.
“Lyanco, i cili përfundimisht u bashkua me Torinon dhe Richarlison, të cilët do të transferoheshin në Everton. Kur vëzhgonim Argjentinën, menjëherë vumë re këtë sulmues trupmadh, me aftësi të mëdha teknike që ishte Lautaro Martinez.”
“Ai ishte 19 vjeçar dhe ishte i kontraktuar me Racing Club, ne e dinim që Juventusi dhe Atletico Madridi donin ta nënshkruanin me atë gjithashtu.”
“Ne i thamë Ausilios:” Lautaro ka kaq shumë hapësirë për përmirësim, ne duhet të nënshkruajmë me atë menjëherë. “
“Ai fluturoi drejt Argjentinës menjëherë pas përfundimit të turneut. Ai donte të shihte Lautaron personalisht dhe të fliste me shoqëruesin e lojtarit.”
“Ai mundi klubet e tjera të interesuara dhe përfundimisht nënshkroi me lojtarin.”, tha në fund Adelio Moro./KosovaPress.
