· Ministria e Mbrojtjes e Rusisë ka pranuar përgjegjësinë për një sulm me raketa në Qendrën Ndërkombëtare për Ruajtjen e Paqes dhe Sigurisë të dielën, një bazë ushtarake, pranë kufirit polak. Numri i të vdekurve nga sulmi shkoi në 35 persona. Kryeministri britanik Boris Johnson i quajti veprimet e Rusisë barbare. Sekretari amerikan i shtetit Antony Blinken dënoi sulmin, duke thënë se brutaliteti duhet të ndalet.
· Rusia i ka kërkuar Kinës pajisje ushtarake që nga fillimi i pushtimit, raporton Financial Times. Kërkesa ka ngjallur frikë në Shtëpinë e Bardhë se Pekini mund të ndihmojë Rusinë dhe të minojë përpjekjet e Perëndimit në Ukrainë. Zëdhënësi i ambasadës së Kinës tha se ata nuk kishin dëgjuar për këtë kërkesë dhe se “situata aktuale në Ukrainë është me të vërtetë shqetësuese”.
· Presidenti i Ukrainës i kërkoi sërish NATO-s të vendosë një zonë ndalim-fluturimi. “Nëse nuk e mbyllni qiellin tonë, është vetëm çështje kohe para se raketat ruse të bien në territorin tuaj, në territorin e NATO-s,” tha Zelenskyy.
· Dy persona u vranë pasi një predhë goditi një ndërtesë banimi në Kiev të hënën në mëngjes. Tre të tjerë u plagosën nga sulmi, thanë shërbimet e urgjencës të Ukrainës.
· Një grua shtatzënë dhe foshnja e saj kanë vdekur pasi Rusia bombardoi maternitetin ku ajo duhej të lindte, raporton Associated Press. Imazhet e gruas që po dërgohej me barelë në urgjencë u publikuan në mbarë botën.
· Instagram u mbyll në Rusi pasi kompania mëmë, Meta Platforms, tha javën e kaluar se do të lejonte përdoruesit e rrjete sociale në Ukrainë të postonin mesazhe të tilla si “Vdekje pushtuesve rusë”. Një mesazh me email nga rregullatori shtetëror i komunikimit u tha njerëzve që të zhvendosnin fotot dhe videot e tyre nga Instagrami para se të mbyllej dhe i inkurajoi ata të kalonin në “platformat konkurruese” të Rusisë.
· Bisedimet midis Rusisë dhe Ukrainës do të rifillojnë sot. Konfirmimi i raundit tjetër të bisedimeve vjen pasi të dyja palët thanë se po përparonin në negociatat që synonin t’i jepnin luftës. Shpresat për përparim diplomatik u rritën pasi Rusia dhe Ukraina dhanë vlerësime pozitive pas negociatave të fundjavës.
“Rusia tashmë ka filluar të flasë në mënyrë konstruktive,” tha negociatori ukrainas Mykhailo Podolyak në një video në internet. “Unë mendoj se ne do të arrijmë disa rezultate brenda disa ditësh.” Një delegat rus në bisedimet, Leonid Slutsky, u citua nga agjencia e lajmeve RIA të ketë thënë se ata kishin bërë përparim të rëndësishëm dhe ishte e mundur që delegacionet të arrinin së shpejti projekt-marrëveshjet./Anabelmagazine/
