Mesfushori i Burnley, Ashley Westwood, u largua me barelë nga fusha e lojës pasi pësoi një dëmtim të rëndë gjatë barazimit 1-1 me West Ham të dielën, në ndeshjen e vlefshme për Premier League.
Ai u dëmtua në minutën e 22-të pas një përplasje me Nikolla Vlasic. Mjekët e Burnley-t ndërhynë menjëherë duke i dhënë ndihmën e parë që zgjati disa minuta, ndërsa më pas lojtari u largua me barelë nga fusha e lojës.
Vlasic përfundoi në gjendje të rëndë emocionale, gjendje e cila përfshiu edhe lojtarë të tjerë në fushën e lojës teksa shihnin këmbën e dëmtuar të mesfushorit, i cili tashmë do të duhet të qëndrojë për një kohë të gjatë larg fushës së lojës./A2news/
