Deputetja e Lëvizjes Vetëvendosje, Albulena Haxhiu pret reflektim të opozitës për t’u zgjedhur kryeparlamentare.
Pas dështimit të gjashtë që të sigurojë votat për t’u zgjedhur kryetare, ajo tha para mediave se Kuvendi i Kosovës duhet të konstituohet.
“Kuvendi i Republikës së Kosovës duhet të konstituohet dhe besoj shumë në reflektim të opozitës”, deklaroi Haxhiu.
Kandidatja e Lëvizjes Vetëvendosje, Albulena Haxhiu ka dështuar sërish sot, për të gjashtën herë të marrë votat e nevojshme për kryeparlamentare.
Ajo mori 54 vota për, 44 kundër dhe tri abstenime, ku të pranishëm në sallë ishin 110 deputetë.
Seanca është ndërprerë dhe vazhdimi i saj do të bëhet të enjten më 1 maj. /KosovaPress/
