Joe Biden e quajti kundërshtarin e tij Donald Trump një “kriminel”, pas dënimit të një gjykate të Nju Jorkut të enjten, në fund të gjyqit penal historik të ish-presidentit republikan.
“Për herë të parë në historinë amerikane, një ish-president i cili është një kriminel i dënuar po kandidon për president”, shtoi presidenti demokrat gjatë një mbledhjeje fondesh për fushatën përpara përballjes së tyre më 5 nëntor.
“Sado shqetësuese të jetë kjo, sulmi i tij i gjithanshëm ndaj sistemit të drejtësisë amerikane po bën edhe më shumë dëm”, vazhdoi Biden.
Sipas presidentit demokrat, Donald Trump do të përbëjë një kërcënim edhe më të madh për demokracinë amerikane nëse zgjidhet në nëntor. /abcnews.al
