*
Heqja e sanksioneve të vendosura ndaj Rusisë është pjesë e negociatave të paqes midis Moskës dhe Ukrainës, të cilat “nuk po shkojnë mirë” por vazhdojnë përmes video-konferencave në baza ditore, -tha ministri i jashtëm rus Sergey Lavrov gjatë një interviste të fundit.
*
Sa më shpejt Perëndimi të pajtohet me “realitetet e reja gjeopolitike”, aq më mirë do të jetë për veten dhe komunitetin ndërkombëtar,- vazhdoi Lavrov në paralajmërimin e tij. “Operacioni ynë special ushtarak në Ukrainë gjithashtu kontribuon në procesin e çlirimit të botës nga shtypja neo-koloniale e perëndimit, e përzier shumë me racizëm dhe një kompleks ekskluziviteti,” tha ai.
*
Rusia pretendon se NATO po përpiqet të ndërhyjë në arritjen e zgjidhjes politike për t’i dhënë fund krizës në Ukrainë. Sipas zyrtarëve të lartë rus, duke shprehur publikisht mbështetjen për regjimin e Kievit, vendet e NATO-s po bëjnë gjithçka për të parandaluar përfundimin e operacionit. Ata shtuan se nëse SHBA-ja dhe NATO-ja janë vërtet të interesuara për zgjidhjen e krizës ukrainase, atëherë së pari, ata duhet të ndryshojnë mendje dhe të ndalojnë furnizimin me armë dhe municione për Kievin.
*
Ukraina ka pretenduar se humbjet “kolosale” ruse kanë ndodhur gjatë përpjekjeve për të kapur plotësisht rajonin lindor të Donbasit. Ndërsa pranoi humbjet e tij të rënda nga sulmet e Rusisë në lindje, Kievi tha se viktimat në ushtrinë pushtuese ishin më të mëdha.”
*
Sekretari i shtypit i Pentagonit, John Kirby, ka folur për “mizorinë dhe shthurjen” e Vladimir Putin në Ukrainë, duke i quajtur veprimet e tij “të pandërgjegjshme”.
*
Vendet e Bashkimit Evropian ka të ngjarë të miratojnë një embargo me faza ndaj naftës ruse që në fillim të javës së ardhshme, sipas zyrtarëve të BE-së. Ambasadorët europianë thuhet se pritet të bien dakord për një propozim të finalizuar deri në fund të javës së ardhshme pas takimit të mërkurën, sipas disa zyrtarëve dhe diplomatëve të BE-së të përfshirë në proces.
*
“Shtetet e Bashkuara nuk e besuan kërcënimin e Rusisë për përdorimin e armëve bërthamore, pavarësisht një përshkallëzimi të kohëve të fundit në retorikën e Moskës”, -tha një zyrtar i lartë i mbrojtjes amerikane.
*
Situata brenda fabrikës së rrethuar të çelikut Azovstal në qytetin e Mariupol ishte “përtej një katastrofe humanitare”, -tha një komandant ukrainas brenda objektit. Serhiy Volyna, nga brigada e 36-të e marinës, tha se kishte qindra njerëz në fabrikën e çelikut, duke përfshirë 60 të rinj, ku më i vogli prej tyre ishte katër muajsh.
*
Një ish-marins amerikan është vrarë duke luftuar përkrah forcave ukrainase, i pari shtetas amerikan që dihet se ka vdekur në luftime në luftën me Rusinë. Willy Joseph Cancel, 22 vjeç, u vra të hënën ndërsa punonte për një kompani kontraktuese ushtarake që e dërgoi atë në Ukrainë,- tha nëna e tij për CNN. Departamenti Amerikan i Mbrojtjes paralajmëroi qytetarët amerikanë se nuk duhet të shkojnë në Ukrainë për të luftuar.
*
Më shumë se 1 milion njerëz janë “evakuuar nga Ukraina” në Rusi që nga 24 shkurti. Ukraina ka thënë se Moska ka deportuar me forcë mijëra njerëz në Rusi me korridoret humanitare që prishen vazhdimisht.
*
Britania do të dërgojë hetues në Ukrainë për të ndihmuar në mbledhjen e provave të krimeve të luftës, përfshirë dhunën seksuale, -tha sekretarja e jashtme, Liz Truss. Prokurorët ukrainas dhe gjykata penale ndërkombëtare kanë hetuar krimet e mundshme të luftës në Ukrainë që nga pushtimi i Rusisë më 24 shkurt.
*
Zelenskiy thotë se që nga tërheqja e Rusisë nga Kievi, 900 trupa janë zbuluar në varreza masive në të gjithë rajonin.
*
Shtetet e Bashkuara kanë hedhur poshtë mundësinë e të bërit “biznes si zakonisht” me Putinin, pasi Indonezia e ftoi atë në samitin e ardhshëm të G20 në nëntor.
Burimi: The Guardian
