Subjektet politike kanë afat edhe dy ditë që të dorëzojnë aplikimin e tyre për certifikim dhe listën me emrat e kandidatëve për deputetë për zgjedhjet për Kuvendin e Kosovës, të cilat do të mbahen, më 9 shkurt 2025.
Lidhur me këtë ka folur zëdhënësi i KQZ-së, Valmir Elezi.
Elezi ka thënë se deri tani vetëm Partia Rome e Bashkuar e Kosovës ka dorëzuar aplikimin për certifikim për pjesëmarrje në zgjedhje si dhe ka dorëzuar listën me emrat e 35 kandidatëve për deputetë.
“Deri tani, subjekti politik Partia Rome e Bashkuar e Kosovës ka dorëzuar aplikimin për certifikim për pjesëmarrje në zgjedhje si dhe ka dorëzuar listën me emrat e 35 kandidatëve për deputetë”, ka deklaruar ai
Afati i fundit është deri më 11 dhjetor në orën 16:00./Indeksonline/
