Varësia nga droga në Kosovë sa vjen e shtohet dhe kjo dëshmohet çdo ditë me kapjen dhe arrestimin e dhjetëra personave konsumues të substancave narkotike. Por kjo dukuri nuk po i mban imun as personat që janë prapa grilave.
Një rast i tillë është zbuluar sërish në Qendrën Korrektuese në Dubravë, ku numri i të burgosurve që janë përdorues të drogës po del të jetë i madh.
Burimet e Gazetës Sinjali brenda Prokurorisë kanë bërë me dije se në rastin e fundit, gjatë ditës së djeshme, oficerët kanë gjetur sasi të ndryshme të narkotikëve, të llojit marihuanë, brenda burgut.
Narkotikët janë sekuestruar, teksa Policia e Prokurori i Shtetit janë vënë në dijeni dhe tashmë është iniciuar hetimi.
Kujtojmë se sikleti për të konsumuar drogë po i detyron të burgosurit që të kërkojnë nga të afërmit të veprojnë kundërligjshëm, për t’iu dërguar sasi të ndryshme të drogës – raste këto po ashtu që s’kanë qenë të pakta./Sinjali/
