Numri i të infektuarëve me Covid 19 në mbarë vendin ka filluar të rritet dukshëm kohëve të fundit. Inspektorati komunal po vazhdon inspektimet në të gjitha bizneset për të parë nëse po respektohen masat për mbrojtje ndaj Covid 19. Artan Hoxha, udhëheqës i sektorit për inspektime po ashtu tregon cilat janë përgjegjësitë e këtij dikasteri si dhe policisë pasi një person konfirmohet pozitiv me këtë infeksion.
Edhe policia rajonale mbikëqyrë procesin e respektimit të masave anti covid, me ç’rast, kur hasin në shkelje të tyre nga qytetarët, të njejtit gjobiten.
Milazim Lumi komandant i stacionit policor në Gjakovë, theksoi se janë në bashkëpunim të vazhdueshëm me inspektoratin komunal, për tu siguruar që si qytetarët, ashtu edhe bizneset t’i respektojnë masat për mbrojtje ndaj virusit Covid 19.
