Ministri për Evropën dhe Punët e Jashtme, Igli Hasani ka marrë pjesë në takimin jozyrtar ministror të Këshillit të Çështjeve të Përgjithshme në Bruksel, ku bën me dije se ka ritheksuar “angazhimin e palëkundur të Shqipërisë për agjendën e integrimit në BE”.
“Rruga e reformave të vazhdueshme, veçanërisht në fushën e shtetit të së drejtës, të cilën Shqipëria e ka udhëhequr përmes një reforme gjithëpërfshirëse dhe transformuese në drejtësi, mbetet vendimtare për forcimin e vlerave demokratike dhe sigurimin e progresit ekonomik”, shkruan kryediplomati në një postim në X –dikur Twitter.
At the informal Ministerial meeting of the General Affairs Council in Brussels, I reiterated #Albania's unwavering commitment to the EU integration agenda.
The path of continued reforms, particularly in the area of the rule of law, which Albania has spearheaded through a… pic.twitter.com/GFVFFGoxHQ— Igli Hasani (@IgliHasani) April 30, 2024
Ai theksoi se “presim me padurim zbatimin e shpejtë dhe në kohë të Planit të Rritjes, si pjesë e integrimit të përshpejtuar dhe jemi gati për të filluar negociatat për grupin themelor”.
Agjenda e takimit përfshin procesin e zgjerimit të BE-së, diskutimin e mësimeve të valës së mëparshme të zgjerimit.
Vëmendje e veçantë do t’i kushtohej forcimit të BE-së dhe mjeteve të saj, duke përfshirë sundimin e ligjit. Siç pritej, hapa dhe reforma të rëndësishme do të konsiderohen për të forcuar kapacitetin e BE-së. /Albanianpost.com
