Në fund të këtij sezoni, Bayern Munchen do të ndajë rrugët me Jerome Boateng, të
cilit nuk i ka ofruar rinovimin e kontratës. Mbrojtësi do të largohet me parametra
zero dhe për të interesohen disa ekipe
Sipas mediave në Gjermani, dy ekipet favorite për të nënshkruar me Boateng janë
Barcelona dhe Tottenham. Të dy këto ekipe kanë patur shumë probleme në
mbrojtje gjatë këtij sezoni dhe mendojnë se eksperienca e Boateng mund t’i hyjë
në punë.
Mbrojtësi gjerman do të largohet pas plot 10 vitesh nga Bayern Munchen. Në rast se
do të pranojë ofertën e Tottenham, për Boateng do të ishte një rikthim në Premier
League, ku në të kaluarën ka luajtur për Manchester Cityn.
