Kina rrezikohet nga shira të rrëmbyeshëm.
Dy qytete në krahinën qendrore të Kinës, Henan, lëshuan paralajmërimet më të larta të përmbytjeve të dielën, raporton Reuters.
Ato kërkuan që agjencitë lokale të përgatiteshin për shira të rrëmbyeshëm, njoftoi televizioni shtetëror.
Xingyang dhe Changyuan në Henan, një qendër transporti për Kinën, ngritën nivelet e tyre të kontrollit të përmbytjeve në I nga II, në krye të shkallës me katër nivele të Kinës.
Kështu ato paralajmëruan shembje të mundshme të digës dhe përmbytje të jashtëzakonshme të njëkohshme.
Shirat e kësaj vere po shtojnë presion mbi ekonominë e dytë më të madhe në botë, duke luftuar tashmë me raste sporadike të llojit Delta të koronavirusit.
Reshjet rekord të shiut në Henan muajin e kaluar shkaktuan përmbytje që vranë më shumë se 300 njerëz dhe shkaktuan pezullim të prodhimit në fabrika. Xingyang dhe Changyuan janë në disa nga zonat më të goditura muajin e kaluar.
/IndeksOnline/
