Të vegjlit e tenisit sollën një energji më ndryshe se ditët e tjera në kuadër të javës së sportit që është duke u zhvilluar në Gjakovë. Tre super klubet gjakovare “Gjakova”, “Hot Shot” dhe “Sporek” që po prodhojnë talentet e së ardhmes i mblodhën nxënësit më të mirë në sallën e sporteve Shani Nushi.
“Sporti i bardhë”, është bërë i preferuari i më të vegjëlve të cilët nuk i lëshojnë raketat nga duart teksa tregojnë se pse kanë zgjedhur pikërisht tenisin si aktivitet.
Turneu në nder të pavarësisë së Kosovës do të vazhdojë nesër në basketboll në kategorinë e femrave dhe të meshkujve.
