Elseid Hysaj do t’i ndajë rrugët me Napolin në fund të sezonit pas gjashtë vitesh me këtë fanellë, transmeton Sinjali Sport.
Konfirmimi vjen sërish nga menaxheri i futbollistit shkodran, Mario Giuffredi, që foli në “Radio Kiss Kiss Napoli”.
“E ardhmja e Hysajt është e shkruar. Nuk kemi pasur më kontakte me drejtuesit e Napolit për rinovimin”.
“Ai do të sillet si profesionist deri në skadimin e kontratës”, deklaroi Giuffredi.
Hysaj ishte bashkuar me Napolin në vitin 2015, duke qenë një lojtar i rëndësishëm për klubin italian gjithë këto vite. /Gazeta Sinjali
