Më shumë se 20 familje të fshatërave Mejë dhe Jahoc nuk do të kenë më telashe me ujin e pijshëm. E tërë kjo pas investimit të KRU “Gjakova” i cili ka mundësuar që shumë familje të këtyre rajoneve që janë kryesisht ndërtime të reja të përfitojnë nga shtrirja e rrjetit të ri të ujësjellësit.
Sipas zëdhënëses së kësaj kompanie ky është një projekt esencial që kap vlerën e investimit e mbi 15 mijë eurove.
Edhe për banorët një projekt i këtyre përmasave vlerësohet si i mirëseardhur duke ditur që uji është jetik për jetën e secilit.
Vlen të theksohet se moti i mirë ka lehtësuar dukshëm punën e punëtorëve që në një afat të shkurtër kohor do ia dalin të vendosin gypat dhe të furnizojnë.
