Kryeministri i Norvegjisë, Jonas Gahr Støre, dhe ministri i Financave, Jens Stoltenberg, do të takohen me Presidentin e Shteteve të Bashkuara, Donald Trump, në Uashington të enjten, bëri të ditur zyra e kryeministrit.
Takimi në Shtëpinë e Bardhë do të trajtojë, ndër të tjera, situatën e politikës së sigurisë, NATO-n dhe luftën në Ukrainë, si dhe çështje tregtare dhe ekonomike, thuhet në deklaratën e publikuar të hënën.
“Norvegjia dhe SHBA bashkëpunojnë në një numër fushash, dhe SHBA është një partner i rëndësishëm tregtar për Norvegjinë. Mezi pres të bisedojmë për fushat ku mund të bashkëpunojmë edhe më ngushtë në të ardhmen,” tha Støre. /abcnews.al
