Inter-i do të presë Lazio-n këtë të martë në mbrëmje, ora 21:00, në ndeshjen çerekfinale të Kupës së Italisë, me fituesin që do i bashkohet Milan-it në gjysmëfinale. Bologna është gjysmëfinalistja tjetër, e cila do të përballet me fituesin e duelit Juventus – Empoli (të mërkurën ora 21:00).
Stadiumi mitik “Meazza” do të presë ndeshjen me një takim mes Inter-it dhe Lazio-s. Gjysmëfinalet luhen me dy takime, pasi do të ketë edhe ndeshje kthimi.
Lazio ka avancuar në dy rastet e fundit në të cilat është përballur me Inter-in në Kupën e Italisë.
Inter-i është i pamposhtur në secilën nga pesë ndeshjet e fundit kundër Lazio-s në të gjitha garat, duke shënuar 15 gola dhe duke pranuar vetëm dy.
Humbja e fundit e Inter-it e pësuar kundër Lazio-s daton në 26 gusht 2022 në Serie A.
Lazio është skuadra me të cilën Inter-i është përballur më së shumti në çerekfinalet e Kupës së Italisë: shtatë. Në këtë pikë të turneut, bilanci mes dy skuadrave është paksa në favor të zikaltërve, të cilët janë kualifikuar në katër nga këto shtatë raste, ndonëse hera e fundit ishte në vitin 2006.
Inter-i ka përparuar në secilën nga katër rastet e fundit në të cilat ata kanë arritur në çerekfinale të Kupës së Italisë. Hera e fundit që ata u eliminuan në këtë pikë të turneut daton në vitin 2019 kundër Lazio-s.
Pas katër eliminimeve radhazi në çerekfinalet e Kupës së Italisë midis 2020 dhe 2023, Lazio kaloi në raundin më të fundit në edicionin e fundit të turneut (një fitore 1-0 në derbin e Romës).
Inter-i (29) mund të bëhet vetëm skuadra e dytë pas Juventus-it (36) që arrin në gjysmëfinale të Kupës së Italisë në të paktën 30 raste.
Lazio ka marrë pjesë 17 herë në aktin e parafundit të turneut, i fundit në edicionin e kaluar kur u eliminua nga Juventus-i në përballjen e dyfishtë.
Tre nga katër humbjet më të rënda të pësuar nga Lazio në të gjitha kompeticionet nga 1929-30 deri më sot, kanë ardhur kundër Inter-it, të gjitha në Serie A: 6-0 në “Olimpico” më 16 dhjetor, 7-0 më 5 mars 1961 dhe 8-1 më 18 mars 1934, të dyja jashtë shtëpisë.
Që nga debutimi i tij në kompeticion (2018-19), Lautaro Martinez (tetë) është lojtari që ka shënuar më shumë gola në mesin e atyre që janë aktualisht të pranishëm në skuadrat e Serie A në Kupën e Italisë nga raundi i 16-të e tutje.
Kundër Lazio-s, pasi argjentinasi ka shënuar gjashtë gola në 10 paraqitjet e tij të para në të gjitha garat, ai ka mbetur i thatë në tre të fundit.
Marcus Thuram ka shënuar tre gola në katër ndeshje për Inter-in kundër Lazio-s në të gjitha garat (dy në Serie A dhe një në Superkupën e Italisë). Skuadra laciale mund të bëhet kundërshtari i parë në pesë turnetë e mëdha evropiane kundër të cilave sulmuesi shënon në tre gara të ndryshme.
Tijjani Noslin shënoi një hat-trick në ndeshjen e tij të fundit në Kupën e Italisë (3-1 kundër Napoli-t) dhe askush nuk ka shënuar më shumë gola se ai në këtë edicion të turneut (Artem Dovbyk dhe Tammy Abraham gjithashtu shënuan tre).
Lojtari i fundit që ka shënuar më shumë gola për Lazio-n në një edicion të vetëm të turneut ishte Goran Pandev (gjashtë gola në 2008-09). /Albanianpost.com
