Disa ditë pasi hodhi bombën, LG ka dalë me pak më shumë informacion se çfarë saktësisht ndodh me smartphonen tuaj ekzistues, tani që kompania po mbyll biznesin e saj.
LG është zotuar për tre vjet azhurnime të Android për të gjithë smartfonët e saj premium që përdoren aktualisht. Më konkretisht, të gjithë telefonat premium LG duke përfshirë Velvet, Wing dhe ata nën seri G dhe V, do të azhurnohen tre vjet nga vitit i blerjes.
LG thotë se modelet e “caktuara” të vitit 2020 si LG Stylo dhe K-seri do të marrin gjithashtu dy azhurnime të sistemit operativ.
Në të gjitha rastet, zbatohet ylli i zakonshëm, domethënë, “azhurnimet e ardhshme do të varen nga orari i shpërndarjes së Google, si dhe nga faktorë të tjerë të tillë si performanca dhe pajtueshmëria e pajisjes.” Por të paktën një farë qartësie është më e mirë se asgjë.
Më parë, LG kishte thënë se do të vazhdojë të ofrojë mbështetje të shërbimit dhe azhurnime softuerësh për produktet “për një periudhë kohe e cila do të ndryshojë sipas rajonit”, një deklaratë e cila ngriti më shumë pyetje sesa u përgjigj.
Mbyllja e plotë e biznesit celular të LG pritet të përfundojë deri më 31 korrik. /Telegrafi/
