Liverpooli dyfishon ofertën e Man Utd

Liverpool dhe Manchester United janë dy rivalët më të mëdhenj në Ligën Premier dhe këto dy skuadra kanë rivalitet edhe në tregun e transferimeve.

Qendërmbrojtësi anglez i Crystal Palace, Marc Guehi është në listën e dëshirave të dy top klubeve angleze për afatin kalimtar të janarit.

Djajtë e Kuq kanë provuar ditë më parë me një ofertë të ulët prej 40 milionë euro transferimin e tij, ofertë që është hedhur poshtë nga Crystal Palace.

Daily Mirror tani ka raportuar se Liverpooli është duke përgatitur një ofertë të re për Guehin, ku synojnë ta dyfishojnë ofertën e Man Utd duke ofruar 80 milionë euro për mbrojtësin qendror.

Crystal Palace e vlerëson jashtëzakonisht shumë yllin e tyre, por oferta prej 80 milionë euro mund t’i bindë ata që ta lejojnë largimin e Guehit drejt Anfield.

Liverpool tani janë në përparësi të madhe ndaj rivalëve të Man Utd për t’i siguruar shërbimet e mbrojtësit anglez i cili shihet si pasardhës i Virgil Van Dijk në Anfield. /Telegrafi/

Read Previous

Pamje te reja brenda fabrikave të drogës në Siri që financuan regjimin e Assadit

Read Next

Trump: Në mandatin tim të parë të gjithë po më luftonin, tani duan të jenë miq