Marina e Ukrainës konfirmoi të premten se kishte shkatërruar një traget në portin rus të Kavkaz që përdorej për të shpërndarë karburant dhe armë në Krimenë e pushtuar.
Autoritetet lokale kishin thënë më herët se trageti ishte djegur dhe dëmtuar në sulmin e së enjtes në portin në rajonin jugor të Krasnodarit të Rusisë.
“Një tjetër objektiv padyshim ushtarak është shkatërruar. Qëllimi i tij ishte të siguronte karburant për pushtuesit. Trageti u mbyt dhe ky port (Kavkaz) nuk është i përdorshëm derisa të hiqet trageti,” tha zëdhënësi i marinës Dmytro Pletenchuk për televizionin ukrainas.
“Ishin tragetet që përbënin tre të katërtat e të gjithë logjistikës dhe ishin kanali kryesor (i furnizimit),” shtoi ai.Trageti mbante 30 rezervuarë karburanti, tha Fyodor Babenkov, kreu i qarkut të qytetit Temryuk që përfshin portin. Ai tha se pësoi dëme të konsiderueshme si rezultat i sulmit, sulmit të fundit të Kievit në territorin rus, ndërsa lufta e Moskës në Ukrainë po vazhdon./reuters/
