Holandezi Max Verstappen kishte rezervuar një surprizë duke rrëmbyer të shtunën pole position për Çmimin e Madh të Japonisë, raundi i tretë në sezonin e Formula 1, në pistën Suzuka.
Katër herë kampioni në fuqi i botës mundi makinat McLaren të britanikut Lando Norris dhe australianit Oscar Piastri me vetëm 12 dhe 44 të mijtat e sekondës.
Pavarësisht epërsisë së dukshme të McLaren-eve, Verstappen vendosi xhiron e përsosur në fund të sesionit dhe i mohoi ekipit të McLaren një pozicion të tretë në pole në tre gara këtë sezon.
Ndërsa merrte përgëzimet nga shefi i tij Christian Horner, holandezi lëshoi një shpërthim gëzimi, duke bërtitur në radion e tij.
Lewis Hamilton u rendit vetëm i teti pas Hadjar të Racing Bulls, ndërsa Charles Leclerc shpëtoi Ferrarin me një rresht të dytë, në pozitën e katërt. /Albanianpost.com
