Së fundmi ka pasur raportime të shumta se Rusia dhe Kina janë duke synuar ndikimin në rajonin e Ballkanit Perëndimor.
Mirëpo, ShBA-ja do të vazhdojë që ta përkrahë Kosovën dhe Bosnjën, të paktën kështu ka deklaruar zëdhënësja e Shtëpisë së Bardhë, Jen Psaki, kur është pyetur nëse mund t’i sigurojë Bosnjën dhe Kosovën se Amerika është krah këtyre shteteve.
Psaki në një konferencë për media pranoi se presidenti i tyre është mik i kosovarëve dhe boshnjakëve.
“Rusia dhe Kina përhapin shumë ndikimin e tyre në Ballkanin Perëndimor, veçanërisht në Bosnje e Hercegovinë dhe në Kosovë. Dhe presidenti është mik i boshnjakëve dhe kosovarëve. A mund t’i siguroni njerëzit atje se Amerika është ende me ta?”, ishte pyetja që mori Psaki.
“Absolutisht. Ju lutem – ju lutem përcilleni këtë drejtpërdrejt”, ishte përgjigjja e shkurtë e saj.
/GazetaSinjali/
