Alexander Isak është vendosur si një nga sulmuesit më të spikatur në Premier League dhe performanca e tij nuk ka kaluar pa u vënë re.
Duke pasur parasysh interesin në rritje nga disa skuadra evropiane, Newcastle United ka vendosur një çmim minimal për të negociuar largimin e suedezit: 150 milionë euro, thonë raportet nga Anglia.
Shifra e vendosur nga skuadra angleze mund të jetë më e lartë në varësi të garës që zhvillohet mes palëve të interesuara. Raportet tregojnë se në “St James’ Park” shpresojnë se ajo mund të arrijë në 180 milionë euro.
Sulmuesi suedez ka heshtur çdo lloj kritiku me paraqitjet brilante dhe golat vendimtarë, duke u kthyer në një nga shtyllat e projektit ambicioz të “Magpies”.
Në moshën 25-vjeçare dhe me kontratë deri në qershor 2028, performanca e tij këtë sezon ka qenë spektakolare, duke arritur në 15 gola në të gjitha garat dhe duke bërë të qartë se versioni i tij më i mirë është ende përpara.
Isak jo vetëm që të bën përshtypje me shifrat, por edhe me stilin e lojës. Aftësia e tij për të marrë topin me besim, për t’u përballur me çdo kundërshtar dhe për të gjetur hapësirë e ka bërë atë një lojtar thelbësor për Newcastle-n.
Për më tepër, golat e tij në ndeshjet kyçe, si kundër Tottenham-it dhe Arsenal-it, kanë përforcuar reputacionin e tij si një nga sulmuesit më të mirë në Angli.
Edhe legjendat si Alan Shearer, golashënuesi më i mirë i të gjitha kohërave i klubit dhe i Premier League, e kanë vlerësuar ndikimin e tij.
Te Newcastle janë të përgatitur për ta mbajtur atë, por nëse dikush dëshiron ta nënshkruajë atë, ata do të duhet të paguajnë një shumë astronomike. /Albanianpost.com
