Ordinancat stomatologjike të cilat funksionojnë brenda shkollave janë në funksion të të gjithë nxënësve, por të njejtat duket se shumë pak frekuetohen nga këta të fundit. Janë 5 ordinanca në shkollat si “Yll Morina”, “Zekeria Rexha”, “Mustafa Bakija”, “Mazllum Këpuska” dhe “Fehmi Agani” të cilat janë të kompletuara me të gjitha pajisjet e nevojshme që një ordinancë duhet të ketë. Hapësira e rezervuar për dentistin në shkollën “Yll Morina” është mjaftueshëm e madhe dhe donacioni i fundit për këtë ordinancë ka rritur cilësinë e shërbimeve këtu.
Nxënësit të cilët marrin shërbime këtu janë të kënaqur me shërbimet dhe kujdesin e infermieres dhe mjekes.
E një hapësirë më të vogël e ka shkolla “Mazllum Këpuska” për këtë veprimtari, edhe këtu drejtori i këtij institucioni thotë që nxënësit kryejnë vizita sistematike pasi edhe stafi i ordinancës vazhdimisht mundohen që në forma të ndryshme të bëjnë thirrje tek nxënësit që të marrin shërbime në stomatologjinë e shkollës. Ai shton që kjo ordinacë ka nevojë për një karrike stomatologjike të re.
Nxënësi i cili ishte duke marrur shërbime tha që vazhdimisht kujdeset për shëndetin e tij oral, në këtë ordinancë.
Mjeket e stomatologjisë të cilat janë pjesë e shkollave bënë apel tek nxënësit që të marrin shërbime në ordinacat e shkollës pasi janë të pajisuar mirë dhe nuk ju mungon asgjë.
